هذا يا طويلين العمر و العمرات اختي دقت علينا تقول بتنطل بزرانها عندنا عشان تبغى تروح تسوي جو رومانسي مع شايبها
عاد انا سمعت الخبر من هنا و رحت جري للمطبخ من هنا
يا عليها ولد ينوكل أكل بسم الله عليه
أنا احب أدلعه جعلني فداه هو ويا أخته
المهم دخلت المطبخ و قلت بسوي لهم كوكيز دايم اشوف كعكي يحبها و يلهطها لهط قلت اكيد انها زينه
و رحت سويتها بس مع العسف الميموري حقت الكام عندي ماخذها أخوية فما قدرت أصور شغلي لكم بس ما عليه الله يخلي القوقل
المقادير:
طحين كأسِ
6 ملاعقِ طعام كاكاو غير محلّى
1/2 ملعقة شاي بيكنج باودر
1/4 ملعقة شاي ملح
5 ملاعقِ طعام زبدِ غير مملّح
5 ملاعقِ طعام زيت نباتي
سُكّر كأسِ 1
بيضة 1
فانيلا ملعقة شاي واحدة
ونصف كأس حبيبات شوكولاته هيرشي بس أنا ما عندي قمت جبت الجالكسي و قطعته بالسكين و حطيته
طريقة التحضير
سخني الفرن إلى 350 درجة مئوية
وقومي بفرش ورق الزبد في صينية الفرن للعمل عليها
اخلطي الطحين والكاكاو البودرة والبيكنج باورد والملح معاً في طاسة صغيرة واتركيها جانباً
الآن اخلطي السكر والزبدة والزيت معاً حتى تصبح كالكريمة
ثم أضيفي البيض والفانيلا بالتدريج واخفقي جيداً
الآن أضيفي خليط الطحين بالتدريج حتى تصبح لديك عجينة متمازجة جيداً
الآن أضيفي قطع كاكاو الهيرشي وحركي بملعقة خشبية باليد
الآن شكلي قطع الكوكيز ومن ثم ضعيها في طبق به بعض السكر البودرة
ضعيها على ورق الزبد في القوالب واخبزيهم مدة 12-15 دقيقة مو أكثر
ممكن يكونون لينين في البداية
بس لما يبرد يصير هش ومقرمش
حطيته للصغنون مع كاسة حليب
وأنا اخذت لي كم حبة و حطيت عليها آيس كريم فانيليا ياهي تهبل
و بما ان أمي لقتني في المطبخ استغلت الفرصة و قالت الغدا عليك اليوم قلت فدا عيونات المزايين الي جايينا اليوم ازهليها يا ام فهد
و سويت لهم مكرونة بالباشاميل بس مو اي باشاميل باشاميل هموسة مش حتئد تصكر فمك
أولاً:
هاتي مكرونة أي شكل تحبينه أنا احب اللي على شكل فراشة
اسلقيها في قدر لحالها
خلطة اللحمة:
لحمة مفرومة
طماطم
صلصلة طماطم
كمون و ملح و فلفل و رشة كركم (عصفر )
ماجي
شوية موية
و طبعا بصل
حطي التاوة على النار و حطي شوية زيت و شوحي البصل ثم حطي عليه اللحم المفروم و الماجي و البهارات
هاتي الخلاط الكاسة و حطي فيه شوية موية و الطماطم بعد ما تقطعينه طبعا و ملعة كبيرة صلصلة طماطم و اضربيها في الخلاط ثم صبيها على اللحمة و قلبيها زين ثم غطي التاوة و خليها على نار هادية قلبيها كل شوي لحد ما تنشف مويتها
الحين جينا للباشاميل
هاتي خلاط الكاسة مرة ثانيه و حطي فيه ثلاث كاسات موية
12 ملعة حليب بودرة نيدو
3 ملاعق دقيق أبيض
بيضة
ملعقة زيت
ملعقتين حليب شاهي (اللي نحطه مع الشاهي زي لونا ولا ابو قوس )
ملعقتين كبييييييييييرة جبنه سايلة و خليتس كريمة وانا أختس
مكعب كيري
ملح و فلفل
اضربي الخلاط عليها ثم حطيها في قدر و حطيها على النار و هاتي خلاط الكيك السلك و حركي به الباشاميل ولا أشوفتس تشيلين يدتس من الباشاميل لا أكفختس
راح يثقل الباشاميل و يصير مثل الكريمة وقتها عاد طفي النار و شيلي يدك
هاتي صينية و حطي اول شي المكرونة اخلطي معها شوية باشاميل عشان تتماسك و يصير لها طعم بما اننا سلقناها من دون ملح حتى
الطبقة الثانيه حطي فوق المكرونة اللحمة و وزعيها زين مو تحطين في جهه و جهه ما فيها شي لا أرصتس بالصينية على جبهتس حطي فوق اللحمة الباشاميل
ساوي الباشاميل زين ثم هاتي كاسة حطي فيها بيضه و شوية حليب شاهي و اخلطيها زين ثم حطيها على الوجه عشان يروح احمر
دخليها الفرن و ولعي عليها من فوق لحد ما يتحمر الوجه ثم طلعيها و خليها تبرد شوي و تتماسك و قدميها و اللي يقولك مي زينه رصيه بالصينية و أنا اختس
ما راح انسى اسدح لكم صورة المزايين اللي فزعت اطبخ عشانهم
وآآآآوز ..~ والله الكيكهـ بالمـــــــــــــآآره تشهي ..~
تم لطش المقــــــــــــــآدير .. بحــــــــــــآول أكسب في أخوآني أجر وآسوي لهم مثلهـآ ..~ وحتى المكرونـــهـ بالبآشميل آمووت فيهآ ..~ بس مو بلحم مفروم ولآ هي نفس خلطهـ البآشميل هذي ..~
وآن شـــــــــــآإآء الله بآخذ مقآدير طريقتك وآجربهآ ..~ آحسهآ بتطلع حلوهـ ..~ وعيــــــــــــآإآل أختك مآره يجنوون بسم الله عليهم ..~ الله يخليهم لكــــــــــــــــم يآإآرب ..~
بالتوفيق ..~
التوقيع - نآعـ آلطرِف ـــسّـه
.
.
.
أعمارنا قطار سائقه أعمى ؛ راكـض بِنا إلى حيث لـآ ندري !
المواضيع المتشابهه 
أختي جتنا مسيّرة !! 
دايم اشوف كعكي يحبها و يلهطها لهط قلت اكيد انها زينه 
رد: أختي جتنا مسيّرة !! 
I love you forever
افا عليتس صينية الحين جايتس بس شيكي على الخاص 
رد: أختي جتنا مسيّرة !! 
..~
..~
عرض عآدي يعني طبيعي جداً
