رواية { عذبتني ذليتني دسة بكرامتتي آخرتها تقول لي احبك }

// بعد مرور الايام//
_ بيت ابو عبد العزيز_
نور : اريام صاحبتي تبيني اروح لها ضروري
اريام : طيب وانا شقول إلا عبد العزيز إذ جا
نور : أي شي قولين له راحت تشتري لوازم للبيت دبريها من عندك
اريام : طيب بس لا تطولين اوكي
نور : طيب طيب مع السلامة
تغطت وعدلت عباتها وطلعت برا البيت
تعودت انها تاخذ تاكسي
فوقفت لها واحد وركبته ودلته على بيت عمها ابو فهد
(( نور))
لفت وجها للنافذة وقعدت تتأمل منطقتها القديمة الفقيرة كانوا يشوفونها بنات عمها وعمها منطقة فاشلة لايوجد لها ذكرى
لكنها كانت تشوفها احلا منطقة بحياتها
ولدت فيها ... تربت فيها .. عاشت حياتها كلها فيها
كانت منطقتها مليئة بالذكريات الحزينة إلا عاشتها
تذكرت شلوو تيتمت هي واخوانها من صغرهم
الكل تخلى عنهم ولا عم من عمانهم ساندهم ووقف جنبهم
كلا بسبب ابوها لأن تزوج من وحدة فقيررة
انتهى تأملها إلى منطقتها إلى تلك المنطقة
الفخمة الراقية النظيفة الخالية من الشخابيط والوساخة إلا تشوفها بمنطقتها
رفهت راسها تتأمل البيوت أو القصووور الكبيرة
لكن توقف التأمل بوقوف حركة السيارة
عطته فلوسه ونزلت من السيارة حست بحركة الجو إلا بدا يلعب بعباتها
دقت الجرس وهي خايفة من هذا البيت الكبيير
فتحت لها الخدامة الباب واستقبلتها بأبتسامة ودخلتها
أم فهد : هلا ببنتي نور كيفك
نور : هلا خالتي أم فهد أنا بخير بس حبيت اسألك وينها غرور
أم فهد بحزن : والله حابسة حالها من اسابيع في الغرفة
عقدت نور حواجبها
ليييه حابسة نفسها : طيب وين غرفتها
أم فهد : ميري دلي نور على غرفة غرور
أخذت الشغالة نور ووصلتها إلى غرفة غرور
دقت الباب برقة وفتحته
..............................
الدكتور : ماشاء الله عليك انت كل يوم تزورها باين عليك تحبها كثيير
مازن بتعب : ما تحسنت حالتها
الدكتور : للأسف ما تحسنت ولا ساءت
مازن بتردد : طيب ممكن اشوفها
الدكتور : اكيييد
مشى لغرفتها ودق الباب ووقف تحته
ليييه تدخل يامازن لييه تبي تشوفها
معقولة تحليني اتذكر وترجع لي ذاكرتي لا انا شقاعد اقول
مد يده بيفتح الباب لكنه سرعان ما نزلها ومشى من تحت الغرفة متجه لبيته
// بيت متعب //
متعب : وين شروق ماشفتها اليوم
الخدامة : ما يدري هي من زمااان كرفتها (( مدري هي من زمان بغرفتها))
متعب : طيب طيب مامنك فايدة
صعد لغرفتها ودق الباب لقاه مقفول
متعب وهو يدق الباب : شروق يا شروق
من جهة ثانية
كانت تسمعه غرور وتحاول تمسح دموعها وتعدل من شكلها اخذت لها كريم اساس وحطته في وجها وحطت لها كلوز ناعم وكحل اسود
عدلت من شعرها وجات تفتح له الباب
انا احبك حاول ان تساعدني
فإن من بدأ المأسا ينهيها
وإن من فتح الابواب يغلقها
وإن من اشعل النيران يطفيها.
متعب : شروق
ماقدرت دموعها ما تتجمع بعيونها وهي تلقى احلا شي بحياتها يضيع كانت تبي تتكلم وتقول له متعب لا تتركني وتتزوج انا احبك هاذي الكلمة حست انها صعبة صعبة كثيير عليها كيف تقول له انا احبك
شروق نزلت راسها : نعم في شي
متعب رفع راسها بيده : شروق طالعيني انتي تبكين صح
دقات قلبها تزيد مسكت يده وبعدتها عن وجها وصدت عنها وعطته ظهرها : متعب في شي تبيه لا تسوي لك مهتم
ماراح تتغيرين يا شروق بتظل معاملتك لي جافة : لا سلامتك وحبيت اقول لك خبر راح يفرحك
شروق غمضت عيونها : لا تكمل عرفته
متعب : عرفتيه !!
شروق دارت له وابتسمت : مبروك متعب فرحت لك من قلبي تستاهل وانا بنفسي حتى ابين لك فرحتي راح اجي بيتك واساعد خواتك
متعب بصدمة وللحين فاتح عيونه على آخرهم : انـ ت ي راح تـ ساعدين خ و ا تي
ابتسمت له بألم : ايييه مبروووك
ومشت عنه ولبست عباتها
لييه تدوسين على قلبك يا شروق لييه
قوه على قلبي دست انا قوه على روحي قسيت...
مو هينه اجي بدمعتي و اوكف اباب البيت...
دكيت بابك خجل و بلا خجل دكيت.......
و ارتجف بيه القدم و على الهوى ترجيت....
و فتحت بابك الي سلمت ما رديت...
و سمعتك تكولي بهمس يا ريت لو ماجيت...
...................
نور : غرور تعبتيني معك لييه تبكين حبيبتي فيكِ شي
غرور / تبكي
نور : غرووووررر
غرور تبكي وبصراخ : خاااااين ريان ريان خاااين تخيلي يا نور انه انه (( .......))
سكتت وظلت تبكي
ونور انصدمت من إلا قالته ليه يا غرور ليييه
غرورتبكي : نور والله قلت له خلنا نتزوج سخر مني يا نور سخر مني وذلني طردني من البيت
نور ما تحملت بكيها وعطتها كف سكت نوبه شهقاتها وصراخها : لييه يا غرور ليه توثقين فيه ليييه تخليه ياخذ اغلا ما عندك شلون تقدرين تدخلين شقته تدرين لو عرفوا اهلف راح يسون لك
غرور : نور انا خايفة ابوي قال لي ان ملكتي بزياد بكرا
نور : شنووووووووو (( نزلت راسها)) وانتي شراح تسوين
غرور : مدري مدري
نور : طيب بكرا لازم تقولين إلى زياد كل شي وتحاولي انه يستر عليك وإذا صعب عليكِ الشي اطلبي من الطلاق زياد ما يستاهل يا غرور ولا اقول لك كلميه الحين يكون احسن بعد
غرور نزلت راسها وضمت نور : شكراا نور انتي اغلا صديقة لي
نور مسحت على شعرها : غرور حبيبتي بكرا ابيكِ تخبريني شنوو راح يصير معك
غرور : لييه راح تروحين
نور : ايه تأخرت
غرور بحزن : طيب
نور باستها : يا الله مع السلامة حبيبتي
طلعت من غرفتها وهي حزنانة ليه يصير لك كذا يا غرور

بيت ابو راشد
راشد : احم يا الله يمه انا طالع من زوجتي تبين شي
أم راشد : لا يمه سلامتك
طلع راشد وبطلوعه دخل مازن
مازن : السلام
أم راشد : وعليكم السلام وين كنت
مازن : يمه لا تعملوني مثل الطفل كنت بالمستشفى
أم راشد : شتسوي
مازن : لا بس كنت اتعالج أي يمه لقيت بنت عمي هبه في المستشفي طـ
أم راشد قطعته : الله ياخذها هي ويا امها مثل ما عذبوك
مازن : لحظة يمه هبه كانت تعرفني صح
أم راشد بخوف: لا لا ما تعرفك
مازن نزل راسه وصعد غرفته
// اليوم الثاني //
_ ملكة غرور وزياد_
أم زياد : وااااااااااااااااو قمر هالغررور
ريناد : تهبل الله يحفظها اقول يمه متى راح يدخل زياد
أم زياد : الحين
ريناد ابتسمت : واااااااااو زيود ملك ما اصدق
(( غرور))
كانت ترتجف خايفة شراح يكون ردة فعل زياد
سمعتهم يقولون لها تدخل الغرفة لزياد قلبها دق
دخلت الغرفة وهي كل ماجا لها وتخاف اكثر
سمعت صوت سك الباب
زياد : غرور كيفك
غرور بصوت هامس وهي رتجفة : ا ن ا بخخيرر الحمد الله
استغرب من حالها هو عارف انها جريئة بالمررة بس شنوو إلا خالها تصير معاه كذا
تقرب منها شوي
هي خافت ورفعت راسها وسرعان ما نست الخوف وهي تطالع بعيونها
زياد شنوو اقول عنه رجولة وسامة مو قادرة انزل راسي من كثر ما هو حلووو
مدري لييه حسيت اني ابيه وان مافادني حبي لريان
أي ابي زياد ابي زياد يكون لي لييه يا غرور
تفكرين بأنانية نزلت راسها : زياد ابي اقول لك شي
زياد ابتسم لها وهو معجب بجمال بنت عمه : تفضلي
غرور : زياد انا مش

بيت سعود
طلعت مرام من الحمام (( الله يكرمكم)) بعد ما اخذت شاور سريع مسحت بالمنشفة على شعرها الناعم بعدها رمت المنشفة على الارض يقهر واستلقت على سريرها ملييت ... طفشت ... شنوو هالسعود ما يحس على دمه مللني دوم تاركني بوحدي من ليلة عرسنا وانا نادراً ما اشوفه
تنهدت وقامت من السرير فتحت لابتوبها الوردي ودخلت منتدى مسجلة فيه
دخلت بأسمها المعتاد / ريم الحب
ابتسمت وهي تشوف ردود على موضوعها إلا تعبت فيه دخلت ولقت شخصية تعجبها بالمنتدى
/ فارس الخيال
كان دوم يشجعها على مواضيعها ابتسمت ردت عليه وشكرته وضلت تتصفح ولا حست بمرور الوقت
لحد ما دق جوالها ونبها
مرام : الوو
خليل: هلا با احلا الووو
مرام : خليل !!!!!!! كيفك وحشتني يا الدب
خليل : دب بعينك انتي الدبة
مرام : حراام عليك على الاقل انا ما فيني كرش مثلك
خليل: ابشرك وانتي غايبة قعدت اسوي لي برنامج والحمد الله اختفى شي اسمه كرش
مرام : من جدك
خليل : لا عن ابوي
مرام : خلي عنك الغباء هذا وقول لي كيف امي وابوي
خليل : الحمد الله يسلمون عليكِ انتي ووجهك
مرام : لييه شفيه وجهي عسل
خليل بمزح : قصدك بصل ما اقول إلا اكيد سعود منقرف منك
مرام بحزن : ايييه
خليل : شنووو سعود من ق ر ف منك
مرام انتبهت لنفسها : هههههه لا شنوو ينقرف مني مالت عليك بس لا تفاول علي
خليل : اقول اكيد انتي على منتداكِ حبيبك
مرام : أي
خليل : انا مسجل فيييه
مرام : صدق
خليل : أي
مرام : شسمك
خليل : شوفين التعاليق وراح تكتشفيني من اسلوبي
مرام :اوكي
خليل :مع السلامة
مرام : الله يسلمك
سكرت جوالها وطالعت الابتوب لقت فارس الخيال دخل ابتسمت لييه يعجبها ما تدري (( يا ترى شنوو راح يأثر هالاعجاب عليكِ يا مرام ))
// بيت ابو نواف//
ريمة : يمه ابي انااااااااااااااااااام
أم نواف : يا الله قومين بس اليوم راح يجونا ضيوف
ريمه فزت :منووو يا يمة (( غمزت لأمها )) راح يخطبوني
أم نواف : أيا قليلة الادب صدق انعدم الحيا منك
ريمة : يمه
أم نواف : لا راح يجينا نواف وزوجته ندى
ريمة بفرح : ياي ندية بتجي \وتسليني
أم نواف ابتسمت : والله خايفة تخربين البنت
بعد لحظات قامت ريمة وغسلت وصلت ونزلت مع امها تستقبل نواف وندى
في جهة ثانية
ندى مسكت يد نواف : ايوه امشي من هنا شوي شوي
نواف : وصلنا تحت البوابة
ندى : أي
نواف : طيب
ندى ساعدته صعدوا الدرج وفتحت الباب ولقت أم نواف
أم نواف : هلا والله با لعروسين
ندى ابتسمت : هلا كيفك خالتي
أم نواف : هلا بالقمر ندى ماشاء الله يا بنتي كل ما جا لك تحلوين
نواف لف جهة ندى وكأنه يشوفها : اكييد يا يمه زوجة نواف وما تكون حلوة
خجلت ندى ونزلت راسها بسرعة وصار لون وجها احمر
ريمة غمزت لأمها : يمه تخافين عليها مني بشنوو خافين علي انا لا تعلمني هالحركات
أم نواف : ريمة عيب هالكلام ندى حبيبتي نواف تفضلوا ليه واقفين
مسك نواف يد ندى (( رفعت راسها وزاد خجلها)) مشته معها إلا المجلس وقعدته على الكنب وقعدت جنبه
أم نواف ابتسمت ما توقعت نواف راح يحب ندى كذا كان شايل من باله فكرت الزواج والسبب البنت إلا غيرته وخلته مغرور وقح بمعاملته مع الناس لكن الحين تشوف نواف ثاني
// بيت عبد العزيز //
(( نور))
قعدت من السرير مفزوعة وقلبها يدق شافت كابوس مخيف لكنها سرعان ما نست وتذكرت غرور
غرور شصار معها
طلعت من غرفتها
وتوجهت للصالة إلا فيه التلفون
رفعة السماعة ودقت على رقم غرور لكنه طولت بالرد
يأست وخافت عليها قامت من الصالة إلا تشوف التلفون يدق
سرعت إله ورفعت السماعة
نور : الوو
غرور : نور
نور : غرور حبيبتي ها طمنيني قلتين له
غرور تجمعت الدموع بعيونها : ما قدرت اقول له يا نور ما قدرت
نور بقهر : ليييه يا غرور ليه كذا شنو إلا خلاكِ تسكتين انتي الحين راح تظلميه معك غرور كلمينه الحين
غرور : الحين
نور : أي الحين
غرور : مدري راح احاول
نور : لا ما تحاولين تكلميه الحين
غرور : طيب
نور : انتظر اتصالك
غرور : اووكي باي
غلقت جوالها ورمته تحتها بالسرير وقعدت تضرب المخاد : اكرهك ياريااااان دمرت حياتي دمرتها كلها
نزلت دموعها وتذكرت ملامح زياد وهو يبتسم لها شلوون ما حبته من قبل شلون ما حست فيه وقعدت تطالع الزفت ريان
نزلت دموع الندم خلاص ما يفيدني الندم
سكت عيونها وهي تذكر إلي ار امس
غرور : زياد ابي اقولك شي
زياد : تفضلي
غرور : زياد انا مش
(( وسكتت))
زياج : أي كملي
غرور : لا خلاص اقول لك بوقت ثاني
فتحت عيونها اخذت نفس ومسكت جوالها
ودقت على رقمه
دق
ودق
ودق
زياد : الو
غرور : الو السلام عليكم
زياد : وعليكم السلام غرور
غرور : أي كيفك زياد
زياد : الحمد الله بير دامي سمعت صوتك وانتي
غرور نزلت راسها : انا بخير .. زياد ابي اقول لك شي ضروري
زياد : انتي من امس كنتي راح تقولين يا الله شنوو قولي
غرور : ا ما ينفع على التلفون ابيك تجي بيتنا
زياد : طيب امرك اليوم الساعة 8 يناسبك
غرور (( يا حلوو ادبه وهدوءه)) ايه يناسبني
زياد : اوكي
غرور : زياد
زياد : نعم
غرور : لا ولا شي راح انتظرك
زياد ابتسم : طيب
غرور : مع السلامة
زياد : الله يسلم
سكرت الجوال وطالعت بنفسها بالمراية
آآه ما تستاهلني يا زياد
انا ما احد استاهله لو ما تعرفت على ريان صرت انا وزياد احلا مخطوبين بالدنيا كلها
// الساعة 6 ونص مساء //
, بيت متعب ,
متعب :قلتي راح تروحين بيتنا مارحتين
شروق : لا غيرت راي ما اابي اروح
متعب : اهااا
شروق رفعت راسها وطالعت بمتعب إلا منشغل بجواله
حست بالقهر لايكون يرسل رسايل إلا بنت عمه جاها شعور الغيرة إلا قطع
وقفت واتجهت له
شروق : شتسوي
متعب : اسل رسالة إلى صاحبي
شروق : صاحبك
متعب : أي صاحبي لييه عند مانع
شروق بعصبية: لأااااااااااااااااااااااااااااا
متعب رفع راسه ووقف وصاروا متقابلين وبان طول متعب
شروق خجلت ونزلت راسها
متعب : شروق شصاير لك انتي تعبانة
حط يده على راسها
وهنا شروق تحس ان قلبها راح يطلع
بعدت عنه وقالت بصوت مرتجف : لا مو تعبانة لييه انت تعبان
متعب : تبين الصراحة أي تعبان شوي
شروق : أي وإذا انت تعبان ليه راح تتـز
قطعها صوت متعب : اوف تأخرت اشوفك بعدين
شروق : اووووف من غبائي لييه انا كذا اصيرقدامه
كانت راح تمشي بس وقفها صوت جوال متعب إلا نساه
مسكته وفتحته لقت رسالة
(( كيفك متعب ادري انك ماعرفت رقم منوو هذا
بس حبيت اقول لك اني انتظرك واحبك مثل ما تحبني الله يهدم سعادة شروق مثل ماهدمت سعادتنا
بنت عك المخلصة ))
حست انها راح تكسر الجوال مسحت الرسالة : يحبهاااااااااا يا ربي يحبهااا (( وقعدت تبكي ))
.........................
اريام : نور وين راح تطلعين بعد
نور : ماراح اطلع مكان ياربي شبلاكِ انتي
اريام حطت يدها على بطنها : تصدقين احس بالجوع
نور : للأسف الثلاجة فاضية
اريام : أي عارفة انا خايفة بس على عبد العزيز إلا ماجا من امس
نور : اكيد نام عند اصحابه
اريام : أي يمكن وعاد مديره احمد هذا متعبه وخاصم منه
(( تتوقعون شصار إلا صار لعبد العزيز))
// الساعة 8 بيت ابو فهد//
دخلت غرور إلى زياد إلى بالمجلس
غرور : السلام
رفع زياد راسه ووقف : وعليكم السلام
غرور ارتبكت وقعدت من اشوفه ارتبك مدري شفيني
زياد : غرور شنوو كنتي تبين
غرور رفعت راسها : أي ابي اقول لك موضوع مهم وراح يقرر مصيرنا يا زياد
زياد ابتسم : أي كملي اسمعك
غرور ناظرته يا حلوو ابتسامته شلون اخفيها واقول لها
غرور : انا يا زياد مش مش
زياد : حبيبتي غرور انتي شنو
حبيبتي !! لا تقول كذا يا زياد انا ما استاهلك والله ما استاهل انا وحدة وسخة وقذرة
قعدت تطالع بعيونه دمعت عيونها وقعدت تبكي
زياد : غرور سبلاكِ
غرور (( تبكي بصراخ))
ما قدر يشوف دموعها هو ما يجب يشوف بنت تبكي قدامه قربها له وضمها
ظلت تبكي بحضنه
شالها من حضنه ورفع راسها ومسح دموعها
غرور بخجل : زياد
زياد ابتسم : والله مو قصدي بس لقيتك تبكي وما قدرت
نزلت راسها صارت غرور تخليط حزن دموع وخجل
زياد : بتتكرمين علي وتقولين الموضوع
غرور قعدت تطالعه : زياد انا مش مش (( سكتت )) اناا مو مستعدة ان يكون زواجنا الشهر الجاي
زياد قعد يضحك
غرور طالعته بأستغراب وابتسمت : ليه تضحك
زياد : خوفتيني بكا وصياح وآخرتها تبين نأجل العرس
غرور نزلت راسها : لا اقصد أي
زياد : ولا يهمك غرور راح اكلم ابوي اليوم طيب حبيبتي استأذن الحين
تقرب منها لكنها بعدت
استغرب وابتسم لها وطلع
.................................
(( نور ))
كانت قاعدة تذاكر ما بقى شي وتجي الاجازة وترتاح
قطعت مذاكرتها ختها اريام : نور ي واحد يبيكِ بالتلفون
نور : يبيني انا
اريام : أي
سكرت الكتاب إلى بيدها طلعت تشوف من المتصل
نور : الووو
0000 : نور
نور : أي انا نور منوو معي
0000 : معاكِ احمد يا نور احمد ولد عمك

الســــــــلام عليــــــــكم ..


بصراحه الروايه كل مالها وتزيد أحداثها سووء أكثر وأعذروني ماراح أكملها لاتصفقوووني أدري بتنقهروون مني

وأنا ما احب أسلوب الكاتبات أو الناقلات للروايات اللي مثل كذا يقعدون يتغلون ومدري ايش


بس جد والله الروايه أحداثها الباقيه مو مره ولاتليق بقامي ولا مقامكم ..


ولأني احترمكم ماراح أكملها لأنها راح تقلل من إحترامكم لي



لـــــبى ــا قلوبكم ..


واللي يبي يكملها تراها كامله ويسوي لها بحث في قوقل يكتب بس اسم الروايه وراح تطلع له ويكملها ..


فديتكم لا تتضايقون مني وربي لأني احبكم سويت كذا ..


وأدري البعض منكم راح يقول إذا كنتي عارفه إنها كذا ليه حطيتيها من البدايه ؟؟!


.. أنا يوم احطها كنت توني مابعد خلصتها وفي البدايه لكن هاليومين كملتها وحسيت أنها ماتصلح ..


فمان الله وأتمنى جد ماتتضايقون مني ..